О корыстолюбце

(Отрывок из синодика, принадл. Импер. Публ. Библ.)

Горе тем человеком зде живущим, а о себе и о душах своих нерадящым: грабят насилуют, а при своем животе церквам божиим, ни слугам церковным не подают, ни странна помилуют, ни нага одеют, ни болнаго посетят, а отходя сего света, и оне приказывают управляти таковым же злым человеком, грабителем немилостивым; и он худоумный человек обрадуется злому тому собранию, сице во уме держа: да он сам, друг мой, не раздаде при своем животе, а не даю, и не ведаю я откуду что взято, от правды ли, или от неправды, и аз не вем, како, или кому что раздати. Да в том размышлении сущу, и в то время припадает к нему аггел сатанин, еже есть корень сребролюбия, поучая его, глаголет; о добрый человече! то тебе Бог дал за твоя добрая дела, владей, пий, и яждь, и чада воскорми в наследие себе, и оне после твоего живота раздадут? И он, худоумный человек, приим в сердцы своем бесовскую прелесть, рад бысть, и нача владети, и потом поживе много лет в питии, и ядении безвременом: и тако отходя сего света, указа после своего живота, жене, и детям, своим разпространио давати своя и чюжая. И оставшаяся жена, после своего мужа, начнет с детьми помышляти, сице рекущи: чада моя, что с умысли отец ваш, а мой муж? Мню яко безумна есть: повеле своя имения, и чюжая, нищым и церквам Божиим раздаятн; а мене, и вас оставляет сиротами. Воистинну безумен есть глагол сей мужа моего. Чада моя! у мыслила есмь тако: с таковым богатством, иду за богата мужа, и он мене возлюбит, и воскормит ... (*)

(*) Конца недостает.